Koronavirus: Diedo skihppijda, berrahijda ja guossijda

Jus la skibás ja dárbaha dálkudimviehkev, de válde aktijvuodav ietjat stuoves dåktårijn, jali váktadåktårijn, skuolka 116 117. Hiehtetelefåvnnå (113) le dåssju jus la hæhkkanieda.

Pasienta gejn la ájgge dálkudibmáj jali suottadibmáj

Viehka ållo plánidum suottadime ja dálkudime li sjáhtjaluvvam koronadávda diehti. Jus duv suottadibme jali dálkudibme le sjáhtjaluvvam, de soames skihppijviesos válldá aktijvuodav dujna.

  • Jus dån i majdik gulá mijájs, de boade dalloj gåk la mierredum.
  • Jus dån la karantienan, aktuvuodan jali skibás, de válde aktijvuodav skihppijviesujn sjáhtjalittjat duv såbadusáv.
  • Jus juorrula dån galga skihppijviessuj boahtet - de válde aktijvuodav åvddål gå boadá.

Dá njuolgadusá guosski goappátjagá pasiænntaj ja dålvudiddjáj. Åssudagá skuolkannummarav gávna gåhttjomgirjen dat åssudagás gåsi galga. Åssudagáv máhtá aj åhtsåj mijá web-bielen.

Guossidimj ráddjima

Gáhttitjit váj koronavirus ij skihppijvieson oablo, de lip mierredam guossijt buorggot. Dåssju pasienta gudi dárbahi dålvudiddjev, nåv gå máná ja gudi li alvos nievre, oadtju berrahijt válldet fáron skihppijviessuj.  Sierra diedojt ma guosski nissunijda gudi li riegádahttemin gávna vuollelin dán sijdon.

Dålvudiddje ja berraha e besa skihppijviessuj jus:

  • Siján li vuojŋŋamvige
  • Karantienan li

Mij vájvahip vidjurijs, valla gåhttjop dijáv dádjadit ja vieledit mijá pasientaj vidjurijt. Dá ráddjima guosskij aj dávversuvddijda ja aktanbargge oassálasstijda, ja iehtjádijda gudi skihppijviessuj båhti bargo diehti.

Diedo nissunijda gudi li iesselisá jali riegádahttemin

Gå válda aktijvuodav avtajn mijá riegádahttemåssudagájs, de oattjo gatjálvisáv jus dån la koronavirusij boadádallam jali jus la skibás. Jus la skibás jali jus li máhttelisvuoda dån soajtá skihppát, de tsaggeieddne bagát gåktu skihppijviessuj boahtet, majt dahkat gå la boahtám ja majt dahkat gå la riegádahttemåssudagán.

  • Pasienta gejn la korona – jali ihkap korona – tjuoldeduvvi ietjá pasientajs ja iesselis nissunijs.
  • Riegádahttemåssudahka le dahpadum gájkka guossijda ájnat guojmmáj, guhti máhttá siegen liehket riegádahttijn.
  • Guojme gejn li vuojŋŋamvige e besa siegen liehket.
  • Guojme e besa siegen liehket suottadimlanján tjiejsersuottadijn.
  • Guojme e besa riegádahttemåssudahkaj riegádime maŋŋela.
  • Guojme e oattjo oassálasstet poliklinihkalasj guoradallamij. Dát guosská aj ultrajiednaj ja poliklinihkalasj guossidibmáj iehkedijt, ijájt jali ájllega nalluj.
  • Guojme e besa siegen liehket jus ieddnesasses la biejadum váksjomij, jali jus riegádibme le álggám.
  • Guojme e oattjo skihppijvieson váttseldit akta gåktu.
  • Mij oajvvadip ieddne ja mánná libá skihppijvieson desik libá snivva guoradaládum ja dálkodum.

Mij gåhttjop duv dádjadit manen miján li dá mærrádusá, ja mij dahkap mij la máhttelis vaj riegádahttem ja båddå riegádahttemåssudagán dåbddu buorren nåv guhkás gå dá sierralágásj vidjura miededi.

Karatiedna ja aktuvuodan liehket

Juohkkahasj gænna le snuobalágásj hæhttu sijdan årrot.
Ienep diedo karantienas ja aktuvuodan årromis dárogiellaj (helsenorge.no)

Ietjá ávkkás sválldasa

Koronavirus (helsenorge.no)Koronadávdda – bagádusá ja diedo (Álmmukvarresvuohtainstituhtta)Korona (Varresvuohtadirektoráhtta)
Fant du det du lette etter?